High Scardus Trail

Хај Скардус Трејл (ХСТ) е транснационална планинарска патека која ги поврзува
пограничните зони на Албанија, Македонија и Косово. Патеката следи антички патчиња низ 5 планински масиви, сите со врвови повисоки од 2 000 м (највисок Кораб 2 764м), минувајќи низ богати мешани шуми, стари и пространи пасишта, покрај бројни леднички езера и потоци. А, за љубителите на културата тука се богатите културни ризници на градовите како Охрид и Призрен.

Името потекнува од латинското име за Шар Планина, Скардус или шарена планина, каков што е целиот регион на патеката, шарен и разновиден во однос на пејзажите,
биодиверзитетот, луѓето, активностите кои се нудат, традицијата и храната.

Поважни информации: 18 главни патеки во должина од околу 280 км
го сочинуваат ʼрбетот кон кој се прикачени и 33 споредни патеки кои овозможуваат пристап до и излез од ХСТ. Ваквиот систем на патеки нуди можност за креирање планинарски тури со различно времетраење и ниво на тежина.
Tурата можете да ја започнете во една земја, а да ја завршите во друга.

Далеку од туристите: Некои делови долги години биле дом само за селаните и нивните стада.

Слоу Фуд гостилници: Распоредени долж патеката, домаќините ќе ви понудат уникатно
гостопримство и ќе ве послужат со локална храна којашто тие сами ја произведуваат
или набавуваат од локалните мали производители.