ХОСТЕЛ КИТКА

Ознаки кои ќе ги добие: Во координација со уредниците и листата на ознаки
Капацитет: 7 соби 19 кревети
Локација: Сместен е во Вратница на падините на Шар Планина, мирно село со прекрасен поглед на врвот Љуботен42 км од Скопје 47 км од Гостивар,
Адреса: с.Вратница 1225
Сопстеник: Драгиша Јововски
Работно време: Пријавување од 12 часот, одјавување 10 часот

Во хостелот Китка Драгиша Јововски успеал да ја спои љубовта кон она што го работи со страста на луѓето со спортски дух и со добар апетит, држејќи се до девизата „во здраво тело − здрав дух“. Објектот е сместен во селото Вратница, во Долен Полог, во стројна семејна куќа од камен, од 1964 г., а сегашниот лик го има од 2017 година. Располага со 7 соби, 19 кревети, а во дворот од два декара на дрвени маси, гостите со чај и мед го започнуваат денот.

Тие што се навлекле на звуците на природата токму во градината можат да постават шатор и да фаќаат − дење облаци, навечер ѕвезди. Во оваа воздушна бања на 760 метри надморска височина, од 365, дури 360 се сончеви денови.

Најважното правило е што на менито секогаш има 4 јадења: компир и домашен колбас, тетовско тавче гравче, полнети пиперки и сарма. Софрата зближува, а вкусовите што се паметат се и толчено лукче со ореви, масло, и киселина, пресолец (салата со праз и маслинки), чај од љуботенска мајчина душица, компот од дренки и праски, мед од костени, вргањ подготвен на локален начин, „коупита“, овчо сирење, црвени лешници од дворот, црвено вино и дивеч.

Активен одмор во комбинација со предизвик на велосипед е можност да се посети манастирот Св. Константин и Елена, езерото во Голина, покрај Вратничката река − воденицата на дедо Раде, а со водич може да се истражува мистичниот Љуботен.